काठमाडौँ – नेकपा एमालेका वरिष्ठ नेताद्वय झलनाथ खनाल र माधवकुमार नेपाल समूहको स्थायी कमिटी बैठक बस्ने भएको छ । आज सांसदहरुले दिने भनिएको राजीनामा बारे थप छलफल गर्न स्थायी कमिटी बैठक बस्ने भएको हो ।
शनिबार साँझ काठमाडौँमा सम्पन्न माधवकुमार नेपाल–झलनाथ खनाल समूहका सांसदको बैठकले आफ्नो अडानबाट फर्किन प्रधानमन्त्रीसमेत रहेका पार्टी अध्यक्ष केपी शर्मा ओलीलाई २४ घण्टा समय दिएको थियो । बैठकले २ जेठ २०७५ मा फर्कन ओलीलाई २४ घण्टे अल्टिमेटम दिने निर्णय गरेको थियो ।
तर अदालतको फैसलाअनुसार एमाले पार्टी संरचना, विधान र नेतृत्व मान्न ओली तयार नभए सामूहिक राजीनामा गर्न सांसदहरु तयार भएका थिए । यसबारे थप छलफल गर्न आज स्थायी कमिटी सदस्यहरुको बैठक हुँदैछ । समय भने अहिलेसम्म निश्चित हुन सकेको छैन ।
बैठक आज जसरी भए पनि बस्ने खनाल–नेपाल पक्षका एक नेताले जानकारी दिए । उनका अनुसार खनाल पक्षले भर्चुअल माध्यमबाट नै भए पनि बैठक बसेर छलफल गर्ने भएको छ ।
प्रतिक्रिया